УИХ-ын анхдугаар чуулганы эхэнд таван гишүүн асуулт асуухаар боллоо. Гишүүн Ө.Энхтүвшин анхны асуултыг тавьсан юм. Тэрбээр СЕХ-ноос түр үнэмлэхээ авсан Өвөрхангайн хоёр гишүүнийг яагаад хассан талаар, яагаад Өвөрхангайн тйоргийн асуудлаар Хан-Уул дүүргийн шүүх шийдвэр гаргасныг асуулаа. Хэнтий, Архангай, Орхон аймаг, Чингэлтэй, Сүхбаатар дүүрэгт гар тооллого явуулах асуудлыг тойргууд шийдэх үү, СЕХ чиглэл өгөх үү, СЕХ-ны 60 дугаар тогтоолоор баталсан удирдамжаар санал тооллогын дараа хуудсыг хүчинтэй, хүчингүй гэж ялгана гэснийг яагаад өөрчилсөн бэ. Хүчингүй хуудсууд хаашаа орсон бэ. Баянхонгор аймгийн тойргийн хороонд нэр дэвшигчид зөрчил гаргасан талаарх мэдээллийг яагаад хэлэлцэхгүй байгаа вэ гэдгийг асуулаа. 

СЕХ-ны дарга Н.Лувсанжавын тайлбарласнаар хүчингүй болсон хуудас зэргийг тойргийн хороод шийднэ. СЕХ шүүхийн асуудлыг хэлэлцэх эрхгүй. Тойргийн хороо шийдэх ёстой гэж үзжээ.Гараар тоолох санал олон гарсан. УИХ-ын сонгуулийн тухай хуульд сонгуулийн дүн гарснааас хойш дахин гараар тоолох асуудал зохицуулагдаагүй байна. Энэ талын асуудлыг хэрэгжүүлэх боломжгүй гэж үзжээ. 60 дугаар тогтоолыг өөрчлөх тогтоол нь СЕХ-ны бүрэн эрхийн хүрээнд гаргасан тогтоол гэлээ. СЕХ үүнийг хууль зөрчсөн гэж үзэхгүй байгаа гэв. Баянхонгорын тойргийн тухайд хууль зөрчсөн гэдгийг зөвхөн шүүхийн шийдвэрээр тогтоодог. Өвөрхангайгаас бусад тойрог дээр шүүхийн шийдвэр гараагүй байгаа гэлээ. Хяналтын тооллогын дүнд машины дүн, гар тооллогын дүн зөрөөгүй байгааг мэдэгдэв.

Асуулт хариулт үргэлжилж байна.