Сүхбаатар аймгийн Шүүхийн шийдвэр гүйцэтгэх алба, аймгийн прокурорын газар хамтран зөвлөгөөн зохион байгуулжээ. Зөвлөгөөнөөр шүүхийн шийдвэр биелүүлэх үйл ажиллагааны явцад гарч байгаа зөрчил дутагдал, анхаарах асуудлаар, хорихоос өөр төрлийн ялын биелэлт, түүний үр дүнгийн талаар, сэжигтэн яллагдагчийн цагдан хорих тогтоолыг биелүүлэх үйл ажиллагааны талаар хэлэлцсэн байна. Зөвлөгөөний төсөлд хяналтын прокурор Н.Ням-Очир Шүүхийн шийдвэр гүйцэтгэх газрын алба хаагч нарт шүүхийн шийдвэр гүйцэтгэх ажиллагаа, түүнийг дагаж мөрдөх явцад гарч байгаа зөрчил  дутагдлыг  хэрхэн арилгах талаар сургалт зохион байгуулжээ.