Дэлхийн эдийн засгийн хямралаар Европын холбоондоо хамгийн их хэлмэгдсэн Латвийн эдийн засаг хямралаас гарч байгааг AFP мэдээлж байна. 2010 оны эхний улиралд тус орны дотоодын нийт бүтээгдэхүүн өмнөх улирлаасаа 0,3 хувиар өсчээ. Гэхдээ өнгөрсөн жилийн мөн үеийнхээс эдийн засгийн уналт нь 5,1 хувиар дор байна.
Албан ёсны уналт гэж тооцогдох эдийн засгийн хоёр дараалсан улирлын уналтад Латви 2008 оны нэгдүгээр улиралд орсон билээ. Тус орны дотоодын нийт бүтээгдэхүүний уналт өнгөрсөн жилд 19 хувь хүрсэн байжээ. Хөрөнгийн гадагш урсгал мөн хөрөнгө оруулалт татарснаас ийм өндөр үзүүлэлт гарсан байлаа. Төсвийн алдагдлаа багасгахаар Латви арга хэмжээ аван татварыг нэмж, тэтгэвэр, цалинг бууруулсан байлаа.