Шинэ Aston Martin V12 Vantage Roadster машин албан ёсоор танилцуулгаа хийлээ.

Энэхүү загвар нь өмнөх загвартайгаа ижилхэн хөдөлгүүр болон хурдны хайрцагтай бүтээгджээ.

Уг машины өмнөх загвараас илүү зүйл нь гэвэл машины арын хэсгийг илүү сайжруулсан ба шинэ загвартай салхи зүсэгчтэй болсон байна.

Мөн машины урд хэсгийн агаар оруулагчийг дахин шинэчилсэн ба /front air intake/ машины урд болон ард хэсгийн амартизаторыг илүү сайжруулсан байна.

Английн алдарт машин үйлдвэрлэгч маань аль хэдийн захиалгаа аваад эхэлчихсэн байгаа ба энэхүү машиныг 150.000 евро буюу 235.000 ам.долларын үнэтэйгээр худалдаалж байгаа гэнэ.