АНУ болон Европын холбооны хоригийн улмаас Кени улс Иранаас түүхий нефть импортлохоо зогсоосон байна. Өнгөрсөн сард Кени улс Ираны үндэсний газрын тосны компаниас дөрвөн тонн газрын тос импортлохоор  гэрээ байгуулсан ажээ. Гэвч Найроби дахь АНУ-ын Элчин сайд Ираны Засгийн газрын орлогыг багасгах хэрэгтэй гэж сануулсан байна. Үүнээс үүдээд өчигдөр Кени улс Иранаас газрын тос импортлохоо зогсоох шийдвэр гаргажээ. 

АНУ болон Европын холбоо Ираны цөмийн хөтөлбөртэй холбоотой газрын тосны асуудалд хориг тавьсан юм. Энэ хориг долдугаар сарын 1 буюу өнгөрөгч ням гаригаас эхлэн үйлчилж эхэлсэн билээ.