“Тархинаас ургасан суут ухаан” улсын хэмжээний яруу найргийн наадам Хөвсгөл аймгийн Шинэ-Идэр суманд маргааш эхлэх гэж байна. Энэхүү наадмыг академич, Монгол улсын хөдөлмөрийн баатар Б.Ширэндэвийн 100 жилийн ойд зориулан Хөвсгөл аймгийн Засаг даргын тамгын газар, тус аймгийн утга зохиолын нэгдлээс зохион байгуулах аж.

Наадмын эхний шатанд 60 гаруй бүтээл ирснээс сүүлийн шатанд 11 найрагчийн бүтээл шалгарчээ. Тодруулбал, Д.Урианхай, А.Эрдэнэ-Очир, О.Цэнд-Аюуш, Э.Гантулга, Б.Энхтөр, Б.Болорцэрэн, Б.Төгсжаргал, Ж.Баттулга, Б.Хадбаатар, Л.Ганчимэг, Н.Минжинсайхан  нарын бүтээл шалгаран үлджээ. 

Найргийн наадмын тэргүүн бүтээлийг нэг сая төгрөг, дэд байрыг 500 мянга болон тусгай байрын гурван бүтээлийг 250 мянгаар урамшуулах юм байна.