Япон улсаас Монгол Улсад буцалтгүй тусламжаар хэрэгжүүлж буй “Өвсний үндэс” хөтөлбөрийн хүрээнд гурван сургуулийн засвар ажлыг хийх төслийн гэрээг Япон улсаас Монгол Улсад суугаа онц бөгөөд бүрэн эрхт элчин сайд Такэнори Шимизү өнөөдөр үзэглэв. Тодруулбал, уг төслөөр Сэлэнгэ аймгийн Сүхбаатар сумын дөрөвдүгээр цэцэрлэг, Хэнтий аймгийн Баянхутаг сумын есөн жилийн сургууль, Орхон аймгийн Баян-Өндөр сумын 17 дугаар цэцэрлэгийн их засварыг хийх гэнэ. Эдгээр ажлыг 322,8 ам.доллар буюу 431 сая төгрөгийн санхүүжилтээр хийх ажээ.

Энэ нь хүүхдүүдийн сурч, боловсрох  орчныг сайжруулах замаар ирээдүйд нь хөрөнгө оруулж буй хэрэг болох тухай ЭСЯ-наас онцолж байна. Түүнчлэн хоёр орны найрамдалт харилцааг бэхжүүлэхэд чухал ач холбогдолтой гэнэ.