Муслимын хэт даврагчид эртний Африкын Мали улсын Тимбукту хотын  эртний өвийг устгасаар байна. Хэдийгээр олон улсын эсэргүүцэл нэмэгдэж байгаа ч  тэд бунханг эвдэн нурааж, 600 жилийн настай лалын сүм хийд рүү дайрсаар байна.  Олон Улсын зүгээс “Энэхүү хотын өвийг устгах нь дайны гэмт хэрэгтэй адил” хэмээн буруушааж байна. НҮБ-н Боловсрол, Соёл, Шинжлжх ухааны байгууллагын комисс дэлхийн өв уламжлалыг хадгалан үлдэх талаарх онцгой хурлыг энэ долоо хоногт зохион байгуулахаар болжээ. Туарагийн босогчдын бүлэглэл гурван сарын өмнө Малигийн хойд хэсгийн дагуу оршдог Исламын “Ansar Dine” гэх бүлэл рүү дайрч, тэдний цэргүүдийг хөөн гаргасан байна.

Харин өнгөрсөн долоо хоногт “Ansar Dine” бүлэглэл Тимбукту хотыг хяналтандаа авчээ. Өнгөрсөн долоо хоногийн хугацаанд тус бүлэглэлийн цэргүүд Тимбуктугийн “Гэгээн Суфи”-гийн шүтээнийг өөрийн мэдэлдээ авсан байна. Дараа нь тэд хамгийн алдартай зургаан бунханг дэс дараалан устгаж эхэлсэн байна. “Ansar Dine” бүлэглэлийн дайчид сүмүүдийг устгаж байхдаа “Allah Akbar” буюу “Бурхан бол хамгийн агуу” хэмээн хашгиралдаж байжээ. Тэдний устгасан бунхануудын дунд 955 онд нас барсан гэгээн Сиди Махмудын бунхан байжээ. Өчигдөр тэд 1400 оны үед баригдсан Сиди Яхьяагийн сүмийн хаалгыг эвдэхээр дайрсан байна. Харин нутгийн домогт өгүүлснээр “Энэхүү сүмийн хаалга нь дэлхийн төгсгөлд онгойно” гэсэн байдаг ажээ.