Монгол Улсын Ерөнхийлөгч Ц.Элбэгдорж олимпийн наадамд хоёр хүндэт зочин дагуулж явах эрхтэй. Энэ эрхийн нэгийг тэрбээр бэртлийн улмаас Лондонгийн олимпийн наадмыг өнжиж буй Хөдөлмөрийн баатар, Гавьяат тамирчин Э.Бадар-Ууганд олгосон бол хоёр дахь хүндэт зочноороо Гандантэгчинлэн хийдийн тэргүүн хамба Д.Чойжамцыг сонгосон тухай албан бус эх сурвалж сонирхуулав.

Лондонгийн олимпод өрсөлдөх Монголын шигшээ багийн түрүүч буюу байт харвааны баг тамирчид өнөөдөр эх орноосоо мордсон бол чөлөөтийнхөн “Найрамдал” зусланд, жүдочид “Нүхт”-д, буудлага, боксынхон Орхон аймагт бэлтгэлээ базааж байна.