Замын цагдаагийн газрын жижүүрт өчигдөр зам тээврийн хэрэг, ослын 103 дуудлага  бүртгэгджээ. Нийслэлд замын тээврийн ослоор өчигдөр хоёр хүн нас барж, 25 хүн гэмтсэн байна. Тодруулбал, Баянзүрх дүүргийн нутаг Хонхорын замд Тoyota Corolla маркийн 20-68 УНН дугаартай  автомашин онхолдож, 47 настай К нас барж, дөрвөн зорчигч гэмтжээ. Мөн Сонгинохайрхан дүүргийн нутаг Цанын баазын замд Kia Frontier 38-69 ТӨА дугаартай Х жолоочтой автомашин шарваж, тэвшин дээр сууж явсан 49 эмэгтэй нас барж, 32 настай Б гэмтсэн байна. Түүнчлэн өчигдөр согтууруулах ундааны зүйл хэрэглэсэн үедээ тээврийн хэрэгсэл жолоодсон зөрчил 69 бүртгэгдэж, долоо нь зам тээврийн осолд холбогдсон байна.