Монголын байгаль хамгаалах иргэний хөдөлгөөнүүдийн эвслийн нэхэмжлэлтэй “Петрочайна Дачин Тамсаг” /Монгол/ ХХК-д холбогдох хэргийг өчигдөр Нийслэлийн шүүхэд хэлэлцлээ. Шүүх бүрэлдэхүүн өнгөрсөн дөрөвдүгээр сарын 17-нд Баянзүрх дүүргийн шүүхээс гаргасан анхан шатны шийдвэрийг хэвээр үлдээх шийдвэр гаргасан байна. Иймээс Дорнодын Матад сумын Тамсагийн нутагт үйл ажиллагаа явуулдаг БНХАУ-ын 100 хувийн хөрөнгө оруулалттай "Петрочайна Дачин Тамсаг” компани Монголын байгаль орчинд их хэмжээний хохирол учруулсны нөхөн төлбөр болох 1.3 тэрбум төгрөгийг нөхөн төлөхөөр болсон байна.