Барокко стилийн уран барилгын дурсгал болох Байройтын дуурийн театрын байшинг ЮНЕСКО дэлхийн соёлын өвийн жагсаалтад  авсан байна. Энэ шийдвэрийг Санкт-Петербург хотноо ЮНЕСКО-гийн Дэлхийн өвийн хорооны хурал болох үеэр гаргажээ.

ЮНЕСКО-гийн хороо Байройтын театрыг барокко стилийн өнөөг хүртэл хадгалан ирсэн цэнгээний болон хөгжмийн соёлын цорын ганц дурсгал гэж нэрлэв.

XVIII зууны хаант засаглалын зууны уран барилгыг анхны төрхөөр нь өнөөг хүртэл  хадгалж иржээ. Уг барилгыг Байройтад агуу Фридрихийн хайртай эгч Пруссийн Вильгельмина гэх гүнгийн ахайтан захирч байсан  1744-1748  онд бариулжээ.

“Байройт Дэлхийн соёлын өвийн гайхамшигт жагсаалтад орж байгаа Германы хотуудын жагсаалтад орсноороо бахархах ёстой” хэмээн Бригитте хотын мэр Мерк-Эрбе (Brigitte Merk-Erbe) мэдэгдлээ.