Афганистан дахь АНУ-ын цэргийн албаныхны мэдээлснээр өчигдөр буюу ням гаригт НАТО-гийн гурван цэрэг дэлбэрэлтэд өртөж, амиа алджээ. Тус улсын өмнөд хэсэгт гарсан энэ хэргийг цэргийнхэн болоод Аюулаас хамгаалах газар шалгаж байгаа юм байна.

Албан мэдээгээр 2012 он гарсаар НАТО-гийн 215 цэрэг тус хотод амиа алджээ. Мужийн цагдаагийн газрын дарга Мухаммед Хуссейны мэдээлснээр ням гаригийн өглөө хотын төвд явж байсан дүүрэн зорчигчтой автобусанд дэлбэрэлт болсны улмаас дээрх гурван цэрэг амиа алдаж, өөр бусад 11 хүн хүнд шархадсан байна. Хохирогчдын дунд хүүхэд, эмэгтэйчүүд нэлээд байгаа аж. Автобус Афганистаны нийслэл Кабул хотоос  Кандагар хотыг зорин явж байжээ.