УИХ-ын 2012 оны сонгуулийар нийслэлийн Баянзүрх дүүрэг, 22 дугаарт тойрогт АН-аас нэр дэвшин ялалт байгуулсан УИХ-ын гишүүн Д.Ганхуяг, АН-ын ҮЗХ-ны гишүүн Ж.Батзандан нар өнөөдөр 14.30 цагт УИХ-ын гишүүний түр үнэмлэхээ гардан авлаа. Эрхэм гишүүн Д.Ганхуяг энэ үеэр “Гурван удаа надад итгэл хүлээлгэж төрд төлөөлүүлэхээр сонгосон нийт баянзүрхчүүд, налайхчууддаа баярласнаа илэрхийлье” гэлээ.

Тэрбээр ирэх дөрвөн жилийн хугацаанд хийхээр төлөвлөсөн ажлуудаа сонгуулийн сурталчилгааны үеэр иргэд сонгогчиддоо тайлагнасан юм. УИХ-ын сонгуульд тойрогтоо хамгийн олон санал авсан Д.Ганхуяг, Ж.Батзандан нарт УИХ-ын гишүүний түр үнэмлэхийг УИХ-ын сонгуулийн 22 дугаар тойргийн дарга н.Баатарням, нарийн бичгийн дарга н.Амартүвшин нар гардуулан өгөв.