Морин хуурын чуулга “Монголын сайхан орон” гала концертоо наадамчин олонд танилцуулах нь. Гала концерт Үндэсний их баяр наадмын өдөр буюу долдугаар сарын 11-нд Тусгаар тогтнолын ордонд болох аж. Баяр наадмын өдрөөр үндэсний их омогшлыг мэдрэхийг хүсвэл 320088, 99096082, 91918104 дугаарын утсаар тоглолтын тасалбарыг захиалах боломжтой юм байна.

Дашрамд дуулгахад, энэ өдөр долдугаар сарын 11-нд Төв цэнгэлдэх хүрээлэнд 11.00 цагт Төрийн есөн хөлт цагаан тугийг залах ёслолын ажиллагаа, Үндэсний их баяр наадам, Их Монгол Улс байгуулагдсаны 806 жилийн ой, Ардын хувьсгалын 91 жилийн ойн баярыг ажиллагааг Монгол Улсын Ерөнхийлөгч Ц.Элбэгдорж албан ёсоор нээж, үг хэлнэ. Үйл ажиллагаа тусгай хөтөлбөрөөр үргэлжлэх бөгөөд хүчит бөхийн болон хүүхдийн барилдааны нэг, хоёрын даваа, үндэсний сурын нэгдсэн үзүүлэх харваа, их насны морьдын уралдаан болох аж. Орой нь Сүхбаатарын талбайд “Улаанбаатарын үдэш” цэнгүүн, ёслолын буудлага хийх юм.