МҮБХ-ноос жил бүр үндэсний их баяр наадмын өмнө зохион байгуулдаг “Наадмын сорилго” барилдаан “Монгол бөхийн өргөө”-нд өнөөдөр болж байна. Зургаа дахь удаагаа зохион байгуулж буй тус барилдааныг “Практикал даатгал” компани МҮБХ-той хамтран зохион байгуулж байна.

Өнөөдрийн барилдаанд улсын гарьд Н.Ганбаатар, Ж.Бат-Эрдэнэ, улсын заан Д.Амгаланбаатар, Б.Соронзонболд, Ч.Санжаадамба, улсын харцага Л.Пүрэвжав, Т.Мөнгөнцоож, Т.Өсөх-Ирээдүй, А.Цацабшир, Э.Батбаатар, улсын начин Ж.Отгонбаяр, Б.Чинзориг, Б.Насандэлгэр нарын тэргүүтэй улс, аймгийн алдар цолтой 208 бөх зодоглож байна.