УИХ-ын сонгуулийн санал хураалт дуусч, санал тоолох ажиллагаа үргэлжилж байна. Өнөөдөр 12.00 цагт Сонгууийн ерөнхий хорооноос урьдчилсан дүнгийн талаар мэдээлэл хийхээр болжээ. Баасан гариг буюу өчигдөр нийт 80 гаруй хэсгийн хорооноос дүн мэдээ ирээгүй байсан. Эдгээр газар нь сүлжээ барьдаггүй, сонгуулийн дүн мэдээг хүргэх боломжгүй хэсгүүд байсан юм. Харин одоо дүн ирээгүй хэсгийн хороо байхгүй байгаа гэж албаныхан хэлж байна. Тиймээс бүх хэсгийн хорооноос ирсэн дүн мэдээг урьдчилсан байдлаар нэгтгэн танилцуулахаар болжээ.