Улс орон даяар өчигдөр өрнөсөн УИХ-ын сонгуулийн саналын дүнгийн талаар СЕХ эцэслэн мэдээлээгүй байна. Улсын хэмжээнд сонгуулийн 26 тойргийн хороо, 333 салбар хороо, 1905 хэсгийн хорооноос ирүүлсэн мэдээллийг нэгтгэсний үндсэн дээр өнөөдөр 08.00 цагт СЕХ-ноос мэдээлэл хийнэ гэж байсан ч одоо хэр нь тодорхойгүй байна. Учир нь СЕХ хэсгүүдийн саналын дүнг эцэслэн нэгтгээгүй байгаа аж.