Монгол Ардын намын төв байр Тусгаар тогтнолын ордон дээр дөнгөж сая МАН-ынхан хэвлэлийн хурал хийлээ. Тэд өмнө өгч байсан хэвлэлийн мэдээллийнхээ дагуу орон  нутгийн олонх суудал дээр ялалт байгуулсан гэх урьдчилсан мэдээлэл ирсэн талаараа мэдэгдлээ.

УИХ дахь МАН-ын бүлгийн ахлагч Ө.Энхтүвшин энэ талаар “Булган аймагт нэр дэвшсэн Ё.Отгонбаяр, Баянхонгорт Г.Занданшатар, Хөвсгөл аймагт Энхамгалан, Төв, Өвөрхангай, Увс аймагт нэр дэвшсэн гишүүд багаараа ялах нь тодорхой болж байна. Говь-Алтай, Дархан-Уулын хоёр нэр дэвшигчийн аль нэг нь ялах нь тодорхой болж байна. Улаанбаатарт, Чингэлтэй, Сонгинохайрхан дүүрэгт нэр дэвшигчид ялах нь тодорхой болж байна гэв. Нийслэлд маргаантай асуудлууд гарч байна. Баянзүрх мэт дүүргүүдэд эргэлзээтэй будилаантай зүйл гарсан байна. Бид нягтлаж, тойрог хэсгийн хороон дээр нь шийдсэний дараа энэ талаар мэдээлнэ” гэв. Тэд дараагийн мэдээллийн цагийн дараа өгөх аж.