Ардчилсан намын УИХ дахь бүлгийн дарга Ч.Сайханбилэгийн мэдээлснээр,
Ардчилсан нам нийслэлийн дүүргүүдэд ялалт байгуулсаар байна. Сүхбаатар дүүрэгт Р.Амаржаргал, Л.Гантөмөр нар илт давуу ялалт байгуулаад байгаа бол Хан‑Уул дүүрэгт Л.Болд, Ц.Оюунгэрэл нар ялжээ. Харин Сонгинохайрхан дүүрэгт Л.Эрдэнэчимэг, Л.Эрхэмбаяр, Баянзүрх дүүрэгт Д.Ганхуяг, Ж.Батзандан нар давуу санал авчээ.

Мөн тус намын зүгээс өгч буй албан бус мэдээллээр  нийслэлийн 14 мандатын 11-ыг нь Ардчилсан нам аваад байгаа аж. Түүнчлэн "НИТХ‑д Баянгол дүүрэгт Ардчилсан намаас нэр дэвшсэн дөрвөн нэр дэвшигч дөрвүүлээ ялалт байгуулсан. Нийслэлийн ИТХ 45 суудалтай. Одоогийн байдлаар тойрогт өрсөлдсөн 30 мандатын 26-д нь АН аваад байна" гэх мэдээллийг АН өглөө.