Баянзүрх дүүргийн 22 дугаар тойргийн 20 дугаар хэсгийн хороонд нийт 2791 сонгогч нэрсийн жагсаалтад бүртгэгдсэн байна. 11.00 цагийн байдлаар 581 сонгогч буюу нийт сонгогчдын 21 хувь нь саналаа өгсөн тухай манай телевизийн  сурвалжлах баг мэдээллээ.

Тус хэсгийн хорооны дарга С.Цог “Одоогийн байдлаар нэрсийн жагсаалтанд бүртгэгдээгүй хоёр хүн саналаа өгч чадаагүй. Цахим үнэмлэхээр нийтдээ 10-аад хүн л саналаа өгөөд байна. Нийт 2939 саналын хуудас ирсэн бөгөөд долоон иргэн саналын хуудсаа буруу бөглөсөн гэж шинээр саналын хуудас авсан” гэв.

Иргэд саналын хуудас хэрхэн бөглөх тухай мэдлэг муутайгаас уг хуудсаа бөглөхдөө цаг их  зарцуулж,  дараагийн санал өгөх хүмүүст хүлээлт үүсгэж буйг ажиглагч нар хэлж байна.