Холливудын жүжигчин Меган Фокс хөл хүнд болсноо хэлхгэр цамцаараа хаах хэрэггүй болжээ. Саяхан түүний цодгор гэдэстэй зургаар анхныхаа хүүхдийг төрүүлэх гэж буйгаа баталсан байна. "Transformers" киноны од Меган Фокс, түүний нөхөр жүжигчин Остин Грийн нар хоёр жилийн өмнө хуримаа хийсэн Хавайн аралд амарч байгаа аж. Тэдний хуримын гэрч нь Остин Грийний хуучин эхнэр, 10 настай хүү хоёр нь байжээ. Жүжигчин Меган Фокс он гарсны дараа “Cosmopolitan” сэтгүүл дэх нэгэн ярилцлагадаа “Би дор хаяж хоёр хүүхэдтэй болохыг хүсдэг. Гурвыг ч төрүүлж магадгүй. Би ээж болохыг үргэлж хүсдэг” хэмээн ярьж байсан юм. Харин өөрөөс нь 12 насаар ах нөхрийнхөө тухай “Бидэнд саад бэрхшээл байдаг ч даван туулсаар ирсан. Түүнийг миний заяаны хань гэдгийг би мэднэ” хэмээн ярьж байжээ. Меган Фокс хамгийн сүүлд "This Is 40," кинонд тоглосон бөгөөд уг шинэ кино ирэх арванхоёрдугаар сард нээлтээ хийх юм байна. Харин түүний нөхөр Грийн Чарли Шийний шинэ цуврал “Anger Management”  кинонд тоглож байгаа гэнэ.