Дуучин Эми Уэйнхаусын аав охиныхоо гар утас руу одоо хүртэл “Гэртээ ир” гэж бичдэг гэнэ. Эми Уэйнхаус өнгөрсөн оны долдугаар сард архины хордлогоор харамсалтайгаар нас барсан юм. Дуучин бүсгүйн аав Митч байсхийгээд хэл ам таталдаг байсан охиноо хаа яваад нь санаа зовохгүйгээр унтах болсондоо өөрийгөө буруутгадаг болсон хэмээн саяхан нэгэн ярилцлагадаа өгүүлжээ.

“Grazia” сэтгүүлд нийтлэгдсэн ярилцлагадаа тэрбээр “Би заримдаа аргаа барж, охиныхоо дугаар руу “Гэртээ ир” гэж бичдэг. Гэвч тэр одоо гэртээ эргэж ирэхээсээ нэгэнт өнгөрсөн шүү дээ. Харин би үлдсэн амьдралаа ингэж л өнгөрүүлэх бололтой” хэмээн ярьжээ. Митч охиныхоо нас барсан байшинд огт очоогүй бөгөөд түүнийг инээмсэглэж байгаагаар нь төсөөлж байхын тулд нас барсан үеийнх нь зургийг ч хараагүй байна.  Митч охиныхоо чихрэнд нугасгүй дуртай байсныг дурсан ярьсан бөгөөд “Тэр чихрийн шургуулгыг хоосолж орхидог байсан. Чихэр иддэгээрээ бол Олимпын аварга болох байсан байх. Одоо чихрийн шургуулганд хэн ч гар хүрээгүйг харах бүрд сэтгэл өмрөх шиг болдог” гэжээ.