Наадмын өдрүүдийн нүд хужирлах баясах зүйлийн нэг “Дээлтэй монгол” наадам болоод байна.

Монгол хувцасны брэнд болсон ажил гэж хэлж болохоор “Дээлтэй монгол” наадам жи­лээс жилд хүрээгээ тэлж өргөн хүрээнд зохиогдох боллоо. Иргэд, дүүрэг, загварын салон, урлаг соёлын байгууллагаараа нэгдэн уламжлалт хувцсаа өмсч өрсөлддөг уг наадам Монгол үндэстэн ястны хувц­сыг орчин үед нийцүүлэн өмсч, монгол гэр, гар урлал, сийлбэр, ардын урлагийн тоглолтыг га­даад, дотоодын жуулчдад сур­талч­лан таниу­лах зорилготой. Мөн даяарчлалын зуунд хадга­лаг­дан үлдсэн өвөрмөц түүх, Монголын эртний соёл, нүүдэл­чин ахуйтай холбоотой аялал жуулчлалын бүтээгдэхүүнийг бий болгосноороо жуулчдын сонирхлыг татах боломжийг нэмэг­дүүлж хүүхэд залуучуу­дад нүүдэлчин үндэст­нийхээ түүх, соёлоор бахархаж, хайр­лах сэтгэлийг бий болгодгоороо онцлогтой юм. Тус наадмыг Нийслэлийн Засаг даргын Там­гын газар, Нийслэлийн Соёл урлагийн газар, Монголын аялал жуулчлалын холбоо зэрэг байгууллагууд хамтран зохион байгуу­лах юм байна.

Наадмын үеэр ардын урла­гийн тоглолт, монгол үндэсний хувцастай парад, монгол гэрийн үзэсгэлэн худалдаа, үндэсний хувцасны загва­рын тоглолт, циркийн тоглолт, үндэстэн яст­ны бүжиг, нийтийн цэнгээнт бүжиг, шагайн харваа зэрэг үйл ажиллагаа явагдах юм.

Монгол дээлээрээ бахар­хах, үндэсний хувцсаараа гоёх уг наадам

• Монгол үндэсний дээл­тэй гадаадын зочдын шилдэг хос
• Үндэсний дээлтэй хамгийн бяцхан оролцогч
• Нийтийн бүжгийн хос
• Хамгийн сайхан дээлтэй хос, гэр бүл 
• Хамт олноороо идэвхтэй оролцсон байгууллага.
• Сайн зохион байгуулалтай, идэвхтэй оролцсон дүүрэг зэрэг номинациар шалгаруулах аж.

Эх сурвалж: "НИЙСЛЭЛ ТАЙМС" сонин