“Walt Disney Со” компани хэрэглэгчдээс хоёрдмол утгатай мессеж авч байна. “Alice in Wonderland” хэмээх 3-D кино дэлхий даяарх кино театруудаас 962 сая ам.долларын орлого олсон. Энэ киноны ачаар “Walt Disney Co” компанийн 2010 оны эхний улирлын орлого өнгөрсөн оны дөрөвдүгээр улиралтай харьцуулбал 55 хувь нэмэгдсэн байна. Гэвч амрагчид тус компанийн сэдэвчилсэн, хөгжөөнт паркууд, амралтын газрууд руу тийм ч их очихгүй байна.
Телевиз, кабелийн телевизүүдийн реклам, зар сурталчилгааны орлого дахин сэргэж байгаа ч “Disney”-гийн телевизээс олж буй орлого төдийлөн нэмэгдээгүй байна. “ESPN” суваг зар сурталчилгааны орлого хамгийн ихтэй байгаа бол “ABC” суваг үзэгч багатай, орлого багатай хэвээр байсаар байна. Калифорни мужийн Burbank хотод байдаг “Disney” компанийн хувьцаа 3.4 хувиар буурч, 34.52 ам.доллар болоод байна.
“Iron Man-2” киноноос олох орлого тус компанийн нийт орлогод сайнаар нөлөөлнө гэж “Disney”-гийн ерөнхий захирал Bob Iger ярьж байна. Өнгөрсөн жил “Walt Disney Co” компани “Marvel Entertainment” компанийг худалдаж авсан юм. “Marvel”-ын супер баатруудыг түрээслэх замаар орлогоо нэмэгдүүлэх боломжтой гэж “Walt Disney Co” үзэж байна.

Т.Санаа