Сүхбаатар аймгийн Боловсрол, соёлын газраас санаачлан зохион байгуулсан цэцэрлэгийн багш нарын спорт, урлагийн анхдугаар наадамд 20 цэцэрлэгийн 200 орчим багш, ажилчид оролцож, спорт, урлагийн найман төрлөөр хурд хүч авьяас чадвараараа өрсөлдсөн байна.  Волейболын тэмцээнд багийн дүнгээр Г.Цэцэгтуяа эрхлэгчтэй  Баруун-Урт сумын VII цэцэрлэг тэргүүн байр эзэлж, Д.Нандинцэцэг эрхлэгчтэй Эрдэнэцагаан сумын  II цэцэрлэг, Д.Мөнхсаруул эрхлэгчтэй Түмэнцогт сумын цэцэрлэг удаахь байрт шалгарчээ.  Уг наадмыг Сүхбаатар аймаг дахь  ХААН банкны салбар ивээн тэтгэсэн байна. Ийнхүү  тус аймгийн цэцэрлэгийн багш нар энэ хичээлийн жилийн амралтынхаа өмнө  урлаг, спортоор өрсөлджээ.