Бичил, жижиг, дунд бизнесийн санхүүжилт ба лизингт тулгардаг асуудлыг шийдэх зорилгоор “Оюутолгой” ХХК-ийн ханган нийлүүлэлтийн газраас өөрсдийн үйл ажиллагааг танилцуулах уулзалтыг зургадугаар сарын 29-ний 14.00 цагт МҮХАҮТ-д зохион байгуулах гэж байна. Энэхүү уулзалт нь дээрх сэдвийн дор тавдугаар сард болсон хэлэлцүүлгийн үеэр гарч байсан санал, зөвлөмжийн дагуу болж буй ажээ. Уулзалтад ирсэн аж ахуй нэгж, бизнес эрхлэгчид “Оюутолгой” компанийн том бүтээн байгуулалтын маркетинг, менежменттэй танилцаж, туршлагаас нь судлах боломж нээгдэх тухай зохион байгуулагчдын зүгээс онцолж байна.