Аймгуудын баяр наадмын хуваарь хэрхэн гарсан талаар бид өмнө нь дуулгасан. Энэ удаа Завхан аймагт ойрын үед болох уралдаануудын талаар дуулгаж байна. Нэлээд эртнээс төлөвлөгдсөн “Шарваа хээр” морины нэрэмжит уралдаан ирэх сарын 7,6 нд Алдархаан сумнаа болно. Их нас соёолон, даага уралдах энэхүү уралдааныг Алдархаан сумын морин спорт уяачдын холбоо зохион байгуулах юм. Аймгийн баяр наадам 9,10-нд Улиастай хотноо болох бол Түдэвтэй сумын “Зоо” морин спорт уяачдын холбоо байгуулагдсаны 10 жилийн ойн уралдаан 7-р сарын 16 нд сумандаа болж зургаан насны морьд уралдах аж.