АНУ-ын Канзас мужийн хууль сахиулагчид охидод хууль бус эрүүл мэндийн үзлэг хийж, үр хөндсөн эмчийн эмчлэх эрхийг хасчээ. Канзас мужийн эмэгтэйчүүдийн эмч Энн Кристиний эмчлэх эрхийг цуцлах шийдвэрийг мужийн анагаах ухааны зөвлөлөөс гаргажээ. Түүний хэргийг үр хөндөлтийн мэргэжлийн эмч байсан Жорж Триллертэй холбоотой гэж үзэж байгаа юм байна. Олон сартай ургийг хөнддөг байсан мэргэжлийн эмч Жоржийг 2009 онд үр хөндөлтийг эсэргүүцэгч нэгэн эр буудаж хөнөөсөн хэрэг гарсан аж. Канзас мужийн шүүх Энн Кристинийг 2003 онд 10-18 насны охидод хууль бус эрүүл мэндийн үзлэг явуулсныг тогтоосон юм.

Энн Кристин тодорхой цөөн үйлчлүүлэгчид асаргаа үзүүлэх эрхтэй байсан ч одоо эмчлэх эрхгүй байжээ. Харин Энн Кристиний 11 үйлчлүүлэгчид бүгд сэтгэхүйн өвчтэй байсан бөгөөд эмч тэдэнд үр хөндүүлэхийг санал болгодог байсан нь шуугиан дэгдээсэн аж. Канзас мужид 22 долоо хоногтой ургийг хөндсөнөөс хойш үр хөндөлтийг хуулиар хориглосон боловч эх, ураг хоёрын амь насанд аюул учирсан, эсвэл сэтгэхүйн өвчтэй эхийн ургийг гарцаагүй тохиолдолд хөндөх тухай заалт байжээ. Гэвч өнгөрсөн жилээс эхлэн мужийн хууль тогтоогчид үр хөндөлтийн тухай хуулийг улам чангатгаж, сэтгэхүйн өвчтэй эхийн үрийг хөндөх заалтыг хүчингүй болгосон юм байна.