УИХ-ын сонгуулийн хуулийн дагуу хэсгийн хороодод саналын хуудсыг сонгуулийн санал авах өдрөөс тав хоногийн өмнө хүлээлгэн өгөх хуваарийн дагуу өчигдөр буюу зургадугаар сарын 23-нд хүлээлгэн өгсөн байна. Улсын бүртгэлийн ерөнхий газраас хүлээлгэн өгсөн нэрийн жагсаалтын дагуу 1908 хэсгийн хороонд нэг сая 930 мянга 782 ширхэг саналын хуудас хүлээлгэн өгсөн байна. Мөн өдрөөс эхлэн хэсэгт саналын хуудас хүлээн авснаас хойш санал авах байрыг цагдаагийн хамгаалалтад авна гэсэн хуулийн дагуу хамгаалалтад аваад байгаа юм байна.

УИХ-ын сонгуулийн санал авах өдрөөс 24 цагийн өмнө буюу санал авах өдрийн өмнөх өдрийн 00.00 цагаас сонгуулийн сурталчилгааны ажлыг зогсоох юм.