Хэт шударга байдал. Ажилд орох ярилцлага дээр танаас "Өмнө нь ийм ажил хийж байсан уу?" гэж асуувал үнэнээ бүү хэл. Таны хариулт ажил олгогчид тааламжгүй сэтгэгдэл төрүүлнэ. Гэхдээ хийж үзээгүй байж худлаа хэлэх гэж үү? Иймээс та "Надад зааж өгөөрэй", "Би сурна" эсвэл өөр "Би үүнийг гуравхан сарын дотор сурчихна" гэж яагаад хэлж болохгүй гэж. Энэ тохиолдолд та мэдлэг оюунаа байнга цэнэглэж, суралцахад үргэлж бэлэн байдлаа ажил олгогчид харуулна. Мөн хүнтэй харилцаж, өөрийгөө ойлгуулах чадвар болон ажил хийх гэсэн чин хүсэл эрмэлзлэлээрээ тэднийг өөртөө татаж, ажилд авахаас өөр аргагүй байдалд оруулна.

Цалингаа нэмүүлье. Ажил олгогч бол өглөгийн эзэн биш гэдгийг үргэлж санаж яв. Тэр таныг өрөвдөж, халамж үзүүлэх гэж ажилд аваагүй, харин таны хөдөлмөрийг худалдаж авч байгаа юм. Таны авьяас чадвар, мэдлэг ухаан, ур чадварыг ч мөн адил. Энэ бүхний хариуд тэр мөнгө санал болгодог. Тиймээс санаа зоволгүй цалингаа нэмүүлэх талаар яриа өрнүүлж болно. Гэхдээ амаар бус, гэрээ байгуулж бичгээр хүсэлт гаргах хэрэгтэй. Мөн хүсэлт тавихын өмнө өнөөдрийн байдлаар хөдөлмөрийн зах зээл дээрх таны үнэ ханш хэр байгааг эхлээд судлах нь зүйтэй.