Шүүхээр сүүлийн гурван жилд шийдвэрлэсэн нийт иргэний хэргийн 2,7-2.9 хувийг хөдөлмөрийн эрх зүйн харилцаанаас үүссэн маргаан эзэлж байна. Мөн Улсын Дээд шүүхийн хяналтын шатны иргэний хэргийн шүүх хуралдаанаар хянан шийдвэрлэсэн нийт хэргийн 16-17 хувь, түүнчлэн 2012 оны эхний хагас жилд хянан хэлэлцэгдсэн хэргээс хүчингүй болсон хэргийн 40 хувь нь тухайн харилцаанаас үүссэн маргаантай хэрэг байгаа ажээ.

Иймд Монгол Улсын Дээд шүүхийн Иргэний хэргийн танхимаас “Хөдөлмөрийн эрх зүйн харилцаанаас үүссэн маргаантай хэргийг хянан шийдвэрлэхэд анхаарах зарим асуудал”-ын талаар зөвлөмж гаргаж, нийт шүүхүүдэд цахим хэлбэрээр хүргүүлсэн байна.