Apple корпорацийн “App Store”-д өнөөдрөөс эхлэн Монголоос шууд бүртгүүлэх боломжтой болж байна. Тус корпораци энэ сард дэлхийн хэд хэдэн оронд App Store нээж буйг гүйцэтгэх захирал Тим Күк  өнөөдөр мэдэгдсэн байна.

Дэлхий даяар 32 улс оронд албан ёсоор нээгдэж буй App Store-ыг одоо нийт 155 оронд ашиглах боломжтой болж  байгаа юм байна. Apple уг хөтөлбөрийг хэрэгжүүлэгчдээ уг өөрчлөлтийн талаар мэдэгдэж е-мэйл явуулсан аж. Шинэ “App Store”-ээс Apple-ын бүтээгдэхүүнүүдийг худалдан авч болох аж. Apple корпорацийн “App Store”-д  Монгол, Албани, Бенин, Бутан, Буркина Фасо, Камбож, Кейп Верди, Чад, Конго, Гвиней-Биссау, Киргизстан, Лаос, Либери, Мавритан,  Мозамбик, Намиб, Балба, Папуа Гвиней, Сьерра Леон, Соломоны арлууд, Свазиланд, Тажикистан, Туркменистан, Украйнь зэрэг Ази, Европ, Африк тивийн 32 орон шууд бүртгүүлэх боломжтой болж байгаа юм.