Нийтийн тээвэрт өчигдөрөөс эхлэн М:55 буюу “Баянмонгол хороолол-Бага тойруу” шинэ чиглэл нээгдэн том оврын автобусаар иргэдэд үйлчилж эхэллээ.

Нарны замыг “Баянмонгол” хороололтой холбосон авто зам ашиглалтад орсноор Баянзүрх дүүргийн 26 дугаар хорооны нутагт сүүлийн жилүүдэд ашиглалтад орсон “Баянмонгол”, “Кристал таун”, “Дүнжингарав” зэрэг орон сууцны хорооллын оршин суугчдад нийтийн тээврийн үйлчилгээг хотын төвөөс шууд хүргэх боломжтой болж байгаа юм.

Энэ чиглэлд “Эрдэм транс” компани үйлчилгээ явуулах гэрээ байгуулсан бөгөөд өглөө 07.20-22.00 цагт, автобус хоорондоо 10 минутын зайтай иргэдэд үйлчилж байна. Үнийн хувь бусад нийтийн тээврийн үнийн адил том хүн 400 төгрөг, хүүхэд 200 төгрөгөөр зорчиж байгаа аж.