“Цагаандариум” арт галлерейд ирэх долдугаар сарын 1-нд МУЭ-ийн  гишүүн, дизайнер Д.Сандагдоржийн “Задрахуй 33” нэртэй анхны бие даасан уран бүтээлийн үзэсгэлэн нээлтээ хийх гэж байна.

Тэрбээр цэцэгсээр дагнан уран бүтээлээ хийдэг бөгөөд энэ удаагийн үзэсгэлэнгийн бүтээлүүд нь орчин үеийн шийдэлтэй интерьер дизайн, оффис, пентхаус, чимэглэлийн чиглэлээр эко орчинг бүрдүүлэхэд чиглэжээ. Түүний энэ цэцэгсийн үзэсгэлэнгээс хүний  сэтгэлд хоногшсон, мэддэг хэрнээ мэддэггүй, тунгалаг, өнгөлөг, гоолиг, гоёмсог сайхан ургамлуудыг нэг дор хэрхэн бийрний үзүүрээр амилсныг харж болох нь ээ.