Байгаль орчин, аялал жуулчлалын яам, Калифорни мужийн “Берклей” их сургууль, Нийгмийн эрүүл мэндийн хүрээлэн  хамтран "Биоиндикатор болон амьдрах орчны үнэлгээгээр усны бохирдол, доройтлыг тодорхойлох" сэдэвт хоёр өдрийн сургалтыг БОАЖЯ-нд эхлүүллээ. Сургалтанд хамрагдсанаар усны шинжилгээний цогц аргаар орон нутгийн байгаль хамгаалагчид, мэргэжлийн хяналтын байцаагчид, малчин иргэд болон сурагч оюутнууд газар дээр нь голын усны чанарт үнэлэлт дүгнэлт өгөх чадвартай болох тухай албаныхан мэдээлж байна.