Долоо хоногийн дараа УИХ-ын сонгууль болно. Сонгуулийн үр дүн бүрэн баталгаатай болсны дараа буюу долдугаар сарын эхээр шинээр сонгогдсон УИХ-ын гишүүдийн тангараг өргөх ёслол болж, үйл ажиллагаагаа эхэлнэ. Үүний өмнө хуучин УИХ хаалтаа хийнэ. Эдгээр үйл явдалд зориулж Төрийн ордны хуралдааны танхимууд, чуулганы нэгдсэн хуралдааны танхимын бэлэн байдлыг хангаж байна.