Амазон компани энэ зун өөрийн AppStore-оо Англи, Герман, Франц, Итали, Испани зэрэг улсуудад нээхээр болсон тухайгаа өчигдөр албан ёсоор мэдэгджээ. Ингэснээр эдгээр улсын технологич залуус, хөгжүүлэгчид өөрсдийн орны App-ыг байрлуулах өргөн боломж нээгдэж байна хэмээн тус компанийн удирдлагууд онцолсон байна.

“Андройд үйлдлийн системтэй гар утас болон таблет хэрэглэгчид Google Play Appstore-оос өөр баталгаатай, App татах сайт байхгүй байсан. Энэхүү орон зайг нөхөх, хэрэглэгчдэд илүү сонголттой байлгах үүднээс Амазон өөрийн Appstore-оо нээсэн. Нээснээс хойш өнөөг хүртэл тун амжилттай яваа. Тиймээс бид зах зээлээ өргөжүүлж, олон олны хөгжүүлэгч болон хэрэглэгч нар боломж олгохыг хүссэн” хэмээн компанийн хэвлэлийн төлөөлөгч мэдээлжээ.