“Камертон 2” шоу нэвтрүүлгийн гуравдугаар шатны анхны  дугаар энэ сарын 19-нд “Боловсрол суваг” телевиз болон “Мusic Box” сувгаар  гарч эхэллээ. “Камертон 2” шоу нэвтрүүлгийн хоёрдугаар шатнаас  нийт  50 оролцогч дараагийн шатанд орох эрхээ авсан юм.  Эдгээр 50 оролцогч маань сугалаа сугалан таван багт хуваагдаж, “мини” тоглолт бэлдсэн байна. Энэ шатанд оролцогчдын багаар ажиллах, бүжиглэх, дуулах зэрэг тал бүрийн ур чадварыг нь харсанаар шилдгийн шилдэг  20 оролцогчийг дараагийн шатанд  тэнцүлэх нь ээ. Ингээд гуравдугаар шатны хамгийн анхны дугаараар “Мetro Sound” багийнхан өөрсдийн “мини” тоглолтыг үзүүллээ. 

Тэд хамтлаг гэдэг үгийн үнэ цэнийг энэ цаг мөчид үзэгчид болон шүүгч нарт харуулахыг зорьжээ. Багаараа дараагийн шатандаа үлдэх зорилго тавин бэлтгэлээ хийсэн “Мetro sound” багийн   тоглолтыг үзсэн шүүгчид  “Эдийн засгийн хөрөнгө оруулалт сайтай баг байна, эв нэгдэл эрч хүч танай багаас харагдлаа” гэсэн урмын үгийг тэдэнд хайрласан юм.  Харин гуравдугаар шатны шалгаруулалтанд оролцсон “Metro Sound” багийн есөн оролцогчоос зургаан оролцогч шоугаа цааш үргэлжлүүлэх эрхээ авч чадлаа. Урлагийн хүнд байж болох бүхий л сайхан чанарыг өөртөө шингээсэн “Metro Sound” багийн ахлагчаар “Камертон” шоуны манлайлагчдын нэг 624 Б.Замбалгарав болон хамгийн сайхан сэтгэлтэй 23 дугаартай Г.Маргад, еэлдэг зантай 184 дугаартай Д.Зориг, өөртөө итгэлтэй, өөдрөг зантай 412 дугаартай Э.Нямдэлгэр, багийнхаа хамгийн хариуцлага өндөртэй гишүүн  513 дугаартай Б.Мөнх-Өлзий болон тус багийн хамгийн залуу гишүүн  422 дугаартай Б. Хангай нар шилдэг 20 оролцогчын эгнээнд тунан үлдсэн юм. Амжилт залуусаа.

“Metro Sound” багийн “мини” тоглолтыг ЭНД дарж үзнэ үү.