Засгийн газрын Шадар сайд М.Энхболдын толгойлдог Наадмын комисс хуралдаж сая өндөрлөлөө. Түүгээр салбар комиссуудын ажлын бэлтгэл явцын талаар хэлэлцэж, санал солилцжээ.

Наадмын бэлтгэл хэвийн явж байгаа бөгөөд гол нь Таван шараас 22-ын товчоо хүртэлх замын засварын ажил дуусахгүй бэрхшээл үүсгэж болзошгүй байгаа аж.

Нийт 10,6 км замын засварт 12 тэрбум төгрөг төсөвлөсөн ч дахин нэг тэрбум орчим төгрөгийн эх үүсвэр шаардлагатай болжээ. График ёсоор уг замыг арваннэгдүгээр сард ашиглалтад оруулах ажээ.