“Петрочайна Дачин Тамсаг” компанийг байгаль орчны нөхөн сэргээлт хийгээгүй гэсэн хэргээр 1.3 тэрбум төгрөгөөр торгох шийдвэрийг өнгөрсөн дөрөвдүгээр сарын 17-нд  Баянзүрх дүүргийн шүүхээс гаргасан.

Энэхүү шийдвэрийг тус компаниас үл зөвшөөрөн Нийслэлийн шүүхэд давж заалдах хүсэлт гаргаад байсан.

Энэхүү гомдлыг Нийслэлийн шүүх өчигдөр /VI.18/ хэлэлцэх байсан ч ирэх долдугаар сарын 2-ныг хүртэл хойшлуулжээ. Тодруулбал, тус компани өмгөөлөгчөө сольсон бөгөөд шинэ өмгөөлөгч нь хавтаст хэрэгтэйгээ танилцаж амжаагүй тул шүүх хурлыг хойшлуулах хүсэлт гаргасан байна.