Монголын
рок, попын ертөнцөд өөрийн гэсэн орон зайг бий болгож чадсан цөөн
дуучны нэг нь соёлын тэргүүний ажилтан, дуучин Ж.Алтанцэцэг. Уйгагүй
хөдөлмөр, урлагаа гэсэн чин сэтгэл түүнийг өнөөдрийн амжилт руу
хөтөлжээ. Түүнтэй уулзаж, ярилцсанаа хүргэе.

-Тантай
холбоотой хам­гийн сүүлийн үеийн мэдээ­лэл гэвэл мэдээж хэрэг таны шинэ
студийн ажил байгаа. Студийнхээ нээл­тийг хэзээ хийхээр төлөв­лөсөн бэ?

-Хүмүүс
бага зэрэг мэ­дээлэл авсан байх. Би “Prosounds” нэртэй дуу бич­лэгийн
студи нээхээр ший­дэж, сүүлийн хэдэн сарын хугацаанд энэ ажилдаа илүү
анхаарлаа хандууллаа. Бо­дож байгаад, студийнхээ нээл­тийг энэ сарын
31-нд буюу өөрийнхөө төрсөн өд­рөөр хийе гэж шийдсэн.

-Студийн байршил хаана вэ?

-Студи
маань дуучин Д.Бол­­­дын студи байсан бай­ранд байгаа. Энэ байрыг нь
ма­най нөхрийн ах худалдаж авсан юм л даа. Тэгээд студи нээ­гээч гэсэн
саналыг н.Ама­раа ах өөрөө надад тавьсан юм. Дуучин хүнд тийм студи­тэй
болох боломж нээгдэж байхад үгүй гэх шалтгаан байхгүй шүү дээ. Уран
бү­тээлч хүн, тэр тусмаа дуучид өөрийн гэсэн сайн студитэй болохыг
хүсдэг байх. Анх энэ са­налыг охи­ноо төрүүлээд хоёр сар болж байхдаа
хүл­ээж авсан юм байна. Одоо охин маань най­ман сар хүр­чих­­лээ.
Охи­ноо өсөхтэй урал­дан багагүй л ажил амжуул­лаа. Студийн продюсероор
Ра­гу гэрээгээр ажиллаж бай­гаа.

-Та Рагугийн талаарх шинэ мэдээллийг дуулгах­гүй юм уу?

-Аан.
Юу асууж байгааг тань би бараг ойлгочихлоо. Рагу маань монгол охинтой
гэрлэсэн. Би саяхан Синга­пурт болсон хуриманд нь оролцчихоод ирлээ.

-Хамтлаг, дуучдын уран бүтээлийн захиалга авч эхэлсэн үү?

-Авсан, авсан. Дуучин Болд, ВХ, “Дөрвөн зүг” хамт­лагийнхантай одоогийн байд­лаар манай студитэй хамтран ажиллаж байна.

-Монголд
дуу бичлэгийн олон л студи байна. Тэд­нээс ямар нэгэн даваа тал­тай
байх юм уу, онцлог үйл ажиллагаа явуулж байж шинэ студи амжилттай
ажил­лах байх. Жишээ нь, та өөрийнхөө студийг тэр шаард­лагыг хангасан
гэж бодож байна уу?

-Сайн, шилдэг нь
байл­гахын төлөө л ажиллана даа. Манайд ажиллах гэж байгаа Рагугийн
маань хүсэл мө­рөөдлийн студи болсон гээд хэлчихэд л ойлгомжтой байх.
Рагу Лондонд саунд инже­нерийн анги төгссөн, мэр­гэжлийн хүн л дээ.
Студийн дууны дугарах түвшин, тех­ник тө­хөө­рөмжийн хүчин чадал
зэргийг олон хүн өндрөөр үнэлж байгаа. Америкийн хамгийн сүүлийн үеийн
тоног төхөөрөмжүүдийг авчирч, суу­­рилуулсан. Энэ бол том давуу тал.
Студиэ ганцхан рок, поп биш урлагийн бүхий л салбарт хүргэж
ажил­луу­лахыг зорьж байна.  “Prosound” бол зөвхөн дуу бичлэгийн студи
биш. Видео, дүрс бичлэгийн салбарт ажил­лана. Манайхан “I project” вэб
сайт ажиллуулж байна. Мөн “S music” хөгж­мийн суваг байгаа. Ер нь
хөгжмийн ертөнцөд олон шинэлэг үйлчилгээ үзүү­лэ­хийг зорьж байна.
Студи дотроо бү­тээлийн дэлгүүр нээж байгаа. Жишээ нь, дуу­чид манайд
ирж дуугаа би­чүүлж, клипээ хийлгүүлэхийн сацуу реклам, сурталчил­гааны
агентлагтай хамтран ажиллаж, телеви­зийн нэвт­рүүлэгт оролцох
боломжтой. Нүүрээ будуулах, хувцсаа оёулах гэх мэтчилэн урлагийн оддын
хэрэглээний бүх зүй­лийг багтаахыг зорьсон. Энэ бүхэн биеллээ олж
эхэлсэнд маш их баяр­лаж байна. Бэрх­шээл их гарч байсан. Ийм их ажлыг
ам­жуулчихна гэж үнэ­хээр бодож байсангүй.

-Та
хамгийн сүүлд “Нисч ирсэн дурлал” бие даасан тоглолтоо хийсэн. Тэрнээс
хойш хоёр жил өнгөрсөн байна. Одоо студийн ажил­тай байлаа гээд
өөрийнхөө уран бүтээлийг хойш тавихгүй байгаа?

-Тоглолтоо
хийлгүй яахав. Студийн ажил удахгүй жиг­дэрчих байх. Харин ч өөрийн
студитэй болсон юм чинь уран бүтээлийн ажилд маань илүү дөхөмтэй болох
байх гэж бодож байгаа.

-Та Монголын шилдэг эмэгтэй дуучдын нэг. Бас дива. Рок, попын өнгөнд зогсох дива дуучин өөрий­гөө хэрхэн үнэлдэг вэ?

-Дива…Энэ
тодотголыг би бодохдоо зөвхөн уран бүтээл төдийгүй нийгэмд эзэлж
бай­гаа байр сууриараа ч шилдэг байх ёстой гэсэн үүрэг гэж ойлгодог.
Тэгэхээр би сайн дуулах ёстой, бас сайн ажил­лах хэрэгтэй, урлагийнхаа
төлөө.

-Ихэнх студиуд өөрс­дийн гэсэн дуучин тө­рүүл­дэг болсон. Та энэ талаар бодож үзсэн үү?

-Нээлтээ
хийснийхээ да­раа энэ тухай ярилцаж болох юм. Манай Б.Ангирмаа сту­дийн
гүйцэтгэх захирлаар ажиллаж байгаа учраас ерөн­хий бодлогыг нь хариуцаж
ажиллана. Ангираа нэг юм бодож л яваа байх.  

-Та СУИС төгссөн билүү?

-Тэгсэн.
Оюутан байхдаа их нийгмийн идэвхитэй хүү­хэд байлаа. 1992 онд СУИС-д
орсон жилээ “Варьете” чуул­гад ардын дуучнаар ажил­лаж, “Ая дууны
жигүүр”-т оролцож байсан гээд бодо­хоор зоригтой байсан байгаа шүү. “Ая
дууны жигүүр”-ээс гадна оюутны шоу хаана болно тэр болгонд л оролц­дог
байлаа. Тэр нь надад үр дүнгээ өгсөн гэж боддог. 1993 онд Монголын
эстрадын ха­тан хаан шалгаруулах нэг уралдаан болсон юм. Тэр уралдаанд
оролцож, хоёр­дугаар байрын шагнал хүрт­лээ. Тэр үйл явдал надад их том
шалгуур болсон санагд­даг. Тэгэхэд  Мишээл нэг­дүгээр байр, дуучин
Наран гуравдугаар байранд орж байсан. 1994 онд Ангирмаа маань тоглолтоо
хийхэд бид гурав оролцож байсан даа. Тэр тоглолтоос зориг орж, 1995 онд
“Вавилон мөрний эрэг дээр” гэж сайхан тоглолт хийснийг үзэгчид санадаг
байх. Тэр тоглолт одоо ч санаанаас гардаггүй, сайхан тоглолт болж
байсан.

-Тэр
үед та гадны олон улсын урлагийн наад­муу­дад их оролцдог байсан
санагдаж байна. Дандаа л хилийн чанадаас шаг­нал­тай ирсэн тухай мэдээ
гардаг байсан?

-”Вавилон мөрний эрэг
дээр” тоглолтын дараагаас дуучин Наран бид хоёр гадаг­шаа хэд хэдэн
удаа уран бүтээлийн уралдаанд оролц­сон. Бид хоёр тухайн үед хоёулаа
Тувагийн наадмаас шагнал аваад л, тэр тухайгаа хэвлэлд ярилцлага өгч
бай­хад их л сайхан санагдаж байсан шүү. Урлагийн хүн болж эхэлсэн
анхны он жи­лүүд шүү дээ. Ерөнхийдөө 1996, 1997 он миний хувьд рок
попын гишүүн гэж тооцог­дож эхэлсэн үе маань юм уу даа. Сургуульд
сурахынхаа хажуугаар янз бүрийн тог­лолтод их оролцдог байлаа. 1997 онд
би СУИС-аа төгс­сөн. Төгссөнийхөө дараа бол надад уран бүтээл хийх,
дуулах урам, сонирхлоос их юм байгаагүй.

“Итгэл
өгөөч наддаа”, “Чи­ний явсан намар” зэрэг дуу­гаа яг тэр үед л
Л.Энхман­лай ахынд очиж бичүүлж байлаа. Гэрт нь ба­раг долоо хонож байж
дуугаа бичүүлж билээ. Тэр үед тийм л бай­лаа. Одоо эргээд бодоход би
хэзээ ч зүгээр суугаагүй юм байна шүү. Надад тэр үед уран бүтээл хийхэд
зарцуу­лах хөрөнгө мөнгө гэж байсангүй.  

Ёстой
дуу хуурын араас уйгагүй, бүр үнэн сэтгэлээсээ явсан даа. Үүний маань ч
үр дүн гарсан. Би олны танил болж эхэлсэн. Хүмүүс намайг хүндэлдэг,
хайрладаг болж эхэлсэн. Олон найз нөхөд, ах, эгч нартай болж, ард
түм­нийхээ дунд дуулж явахыг улам илүү хүсэх болсон. Хү­сэл мөрөөдлөө
биелүүлэ­хийн тулд би зүгээр суугаагүй ээ. Миний болон хамтран
ажилласан олон хүний, олон жилийн хөдөлмөрийн үр шимд дуучин
Н.Алтанцэцэг гэж хүн бий болсон шүү дээ. Одоо ийм гоё студитэй
болсондоо үнэхээр баяртай байна. Тэр бүр хүн болгонд байгаад байдаггүй
студитэй болоод, зүгээр ч нэг дуу дуулах биш урлагийн олон салбарт
үйлчлэх хэмжээний газартай болсон нь миний мөрөөдлийн томоохон орон зай
дүүрч байна л гэсэн үг. Студийнхээ ажлыг явуу­лах­даа рок, поп гэж
явцуурахгүй гэж хэлсэн дээ. Ялангуяа ардын урлагийг дэмжих тал дээр би
анхаарлаа хандуулах хэрэгтэй гэж бодож байгаа.

 -Та ардын дууг нээрэн сайхан дуулдаг шүү. Магад­гүй, танд одоо өөр ямар нэгэн урсгалаар дуулах сонирхол байдаг уу?

-Pop
opera буюу поп дуурийн чиглэлээр дуулж, уран бүтээл хийе гэж мөрөөдөөд
л явж байна даа. Гэхдээ болох байх аа. Айхтар төлөвлөөд яриад байх нь
гол биш л дээ. Одоо студитэй болсон юм чинь шинэ уран бүтээлүүд аяндаа
гарч ирэх байх. Уран бүтээл зүгээр сууж байгаад гараад ирнэ гэж
байх­гүй. Хоорондоо ярил­цана, догдлоно, баяр­лана. Хамтдаа инээж
баясаж, гал шиг ассан хамт олноос сай­хан уран бүтээл гардаг. Тийм
халуун, дотно уур амьс­галд байна гэж бодохоор надад маш сайхан
санагд­даг. Ми­ний уран бүтээлд ч гэсэн нөлөөлөх байх гэж бо­дож байна.
Би зөвхөн ганцаараа хийх биш, үйлчлэх л бол­чихоод байгаа байхгүй юу.
Хүн сайхан хоол идэх гээд ороод ирэхэд үйлчилгээ сай­тай байх ёстой.
Үүнтэй адил чин сэтгэлээсээ үйлчлэх ёс­той гэж бодож байгаа.

Б.Мөнхтуяа /2009 оны 7 сарын 29/