“American Pie” киноны жүжигчин Alyson Hannigan гурван долоо хоногийн турш өөртөө хадгалсан нууцаа саяхан хэвлэл мэдээллийнхэнд дэлгэжээ. "US Weekly" сэтгүүлд мэдээлснээр "How I Met Your Mother" киноны жүжигчин өнгөрсөн тавдугаар сарын 23-нд амаржиж, охинтой болжээ. Төрөөд сар болж байгаа охин нь Hannigan болон түүний нөхөр Alexis Denisof-ын хоёр дахь хүүхэд нь юм. Тэд Satyana хэмээх гурван настай охинтой. Бяцхан охин дүүтэй болсондоо аав ээжийнхээ адил маш их баяртай байгаа аж. Alyson Hannigan-ы гэр бүлийн төлөөлөгч нь "US Weekly" сэтгүүлд "Бүх зүйл сайн сайхан байгаа " гэж мэдэгджээ. Тэдний гэр бүлийнхэн саяхан төрсөн охиндоо Keeva Jane Denisof гэдэг содон нэр өгсөн байна.

Alyson Hannigan өнгөрсөн тавдугаар сарын эхээр  дуучин Jessica Simpson-ийг төрсний дараа  өөрийн твиттер хуудаснаа "Jessica Simpson чамд аз жаргал хүсье! би л одоо ганцаараа холливиудад том гэдэстэй нь болж байна уу?" гэж  бичиж байсан юм. Харин Alyson Hannigan энэ сарын 13-нд өөрийн твиттер хуудсандаа охин Keeva Jane– ийнхээ гарны зургийг тавьсан байна.  Тэрбээр охиныхоо эгдүүтэй жижигхэн гарны зургийг тавьж доор нь хайртай шүү гэж бичсэн байна.