Монгол инженерүүдийн зохион бүтээсэн “JEA-800 F” маркийн хоёр шинэ доубус нийтийн тээврийн үйлчилгээнд явж эхэлжээ. “Цахилгаан тээвэр” НӨҮГ-ын инженерүүдийн бүтээсэн доубус нь хосолмол хөдөлгүүртэй, 36 суудал, 110 хүний багтаамжтай бөгөөд 3, 4 дүгээр хорооллын эцсээс Үйлдвэр комбинатын троллейбусны эцсийн буудлын чиглэлд зорчих юм.

Эдгээр доубуснууд нь агаарын бохирдлыг бууруулж, 100 км-т зарцуулах шатахуун, ашиглалтын зардал дөрөв дахин бага зэрэг олон давуу талуудтай аж. Мөн дизель, генератор хосолмол хөдөлгүүртэй учир эрчим хүчний хязгаарлалтад орохгүй, маршрутаа хүссэнээрээ сонгох боломжтой юм.