Цаг агаарын тааламжгүй байдлын улмаас “Чингис хаан” олон улсын нисэх буудлаас өнөөдөр нисэх байсан орон нутгийн болон олон улсын зарим нислэгүүд саатаад байна. Энэ тухай нислэгийн лавлах ажилтнаас тодруулахад, “Улаанбаатар хот орчимд салхины хүч ихссэнээс болоод өнөөдөр өглөөний нислэгүүд саатсан ч одоо салхины хурд тогтворжсон тул зарим нислэгийг зөвшөөрч эхлээд байна” гэлээ.