Шотландад өд сөд нь цав цагаан хэрээний ангаахайг аварсан тухай The Daily Record мэдээлж байна. Бяцхан жигүүртэнг төрөл нэгтнүүд нь довтолж байсан учраас аврах шаардлагатай болсон юм байна. Showy буюу Цасан цагаан нэртэй болсон энэ бяцхан амьтныг Глазго дахь нэгэн цэцэрлэгт “шоглож” байжээ.

Амьтдыг хамгаалах нийгэмлэгийн мэргэжилтнүүд Цасан цагааныг халдлагад өртсөн мэдээлэл авсан даруйдаа ирж авсан байна. Одоогоор тэдний хамгаалалтанд байгаа ангаахайны биеийн байдал сайн байгаа юм. Ангаахайг дасгахын тулд төрөл нэгт “багачуултай” хамт байршуулжээ.

Цасан цагааныг торниж, өөрийгөө арчлах хэмжээнд хүрэхээр нь байгальд нь эргүүлж тавина. Чухам хэзээ ингэх вэ гэдэг нь тодорхойгүй байна.

Мэргэжилтнүүдийн үзэж байгаагаар, цагаан ангаахай зүгээр  нэг хялман зүст шувуу биш харин жирийн хэрээний нэгэн ховор төрөл юм байна. Өд цагаан байх нь ховор ч гэсэн тохиолддог л асуудал гэнэ. Мөн өөр өнгө байх тохиолдол ч байдаг юм байна.

Эх сурвалж: The Daily Record