Энэтхэгийн цагдаа нар хөнгөн атлетикийн тамирчин бүсгүйг хүчингийн хэрэгт буруутган баривчилжээ. Цагдаа нарт тамирчин бүсгүйг үнэн хэрэгтээ эрэгтэй хүн гэх мэдээлэл ирсэн аж. Пинки Праманикийн талаар нэгэн хамтрагч нь гомдол гаргасны дараа түүнийг Энэтхэгийн баруун Бенгал мужаас баривчилсан байна. Цагдаа нар түүний хүйсийг тогтоохын тулд шинжилгээ хийх зөвшөөрөл шүүхээс хүсчээ. Гэвч хөнгөн атлетикийн тамирчин Праманик хамтрагчийнхаа мэдүүлгийг үгүйсгэж, хүйс тогтоох шинжилгээ өгөхөөс татгалзсан байна.

Тэрбээр "Би гүйлтийн тамирчин болсноос хойш маш олон шинжилгээ өгч байсан. Гэтэл яагаад ийм бүдүүлэг шинжилгээ өгөх ёстой гэж? хэмээн ундууцжээ. Пинки Праманик 2006 онд Дохагийн Азийн наадмаас алтан медаль, мөн Австралийн Мельбурнд болсон тэмцээнээс мөнгөн медаль авч байжээ. Хамтрагчийнх нь мэдүүлснээр Пинки Праманик бүсгүйтэй сүүлийн хэдэн сар хамт амьдарсан бөгөөд түүнтэй гэрлэнэ гэж амлаж байсан гэнэ. Харин Энэтхэгийн Хөнгөн атлетикийн холбоо мөрдөн байцаалтын эцсийн дүн болон хүйс тогтоох шинжилгээний хариу гарахаас нааш ямар нэгэн тайлбар хийхээс татгалзсан байна.