Ширээний теннисний ахмадын 16 дахь удаагийн дэлхийн аварга шалгаруулах тэмцээн зургадугаар сарын 25-30-нд Шведийн Стокгольм хотноо болно. Тус тэмцээнд оролцох Монголын багийг шигшээ багийн дасгалжуулагч, ОУХМ С.Галбадрахаар ахлах бөгөөд түүний удирдлага дор ахмад 26 тамирчин ганцаарчилсан, хосын болон холимог хосын төрөлд 40-50, 51-60, 61-70 насны ангилалд оролцох аж. Энэ удаагийн тэмцээн Монголын ахмад теннисчдийн хувьд дөрөв дэх удаагийн ДАШТ бөгөөд хамгийн сүүлд 2010 онд БНХАУ-ын Хөх хотод болсон дэлхийн аварга шалгаруулах тэмцээнд шагналт байрт шалгарч байжээ.

Ахмадын дэлхийн аварга шалгаруулах тэмцээн хоёр жил тутамд болдог бөгөөд анх 1982 онд Швед улсад болж байжээ.