UBS телевизээс жил бүр зохион байгуулдаг Universe best songs наадмын шилдгүүдийн нэг бол АЖ Жамсранжав агсан, УДЭТ-ын авьяаслаг жүжигчдийн нэг Б.Наранмандах  нарын хүү Ж.Батдөл байлаа. СУИС-ийн оюутан байхдаа тус наадамд оролцож байсан тэрээр өвөрмөц S&I-тэй оролцогчдын нэг  байсан учраас UBS-ийн үзэгчид анддаггүй юм билээ. Korian style-тэй Батдөл  бүжиглэж, дуулахаас гадна хөгжмийн найруулга хийх хоббитой. Өдрийн ихэнхийг  компьютерийн ард өнгөрөөж, хөгжмийн ертөнцөөр хэрэн тэнэх  дуртай тэрээр өдгөө Солонгос улсад сурч байна. Хэзээний  Солонгосоор  “өвчилсөн” түүнд шилдэг 25-д багтах жил нь тус улсын урлагийн  сургуульд үнэ төлбөргүй суралцах эрхээр шагнасан билээ. Энд сонирхуулахад тэрээр өөрийн уран бүтээлийн сонин сайхнаа “Унтаахай пончик” нэрээр хуваалцдаг юм.