Мэргэжлийн теннисчдийн холбоо (ATP), эмэгтэй теннисчдийн холбоо (WTA) ээлжит чансаагаа гаргалаа. Энэ удаа эрэгтэйчүүдийн эрэмбэнд төдийлөн өөрчлөлт гарсангүй. “Их дуулга”-ын “Ролан Гаррос”-т оролцоогүй АНУ-ын Мэрди Фиш “Топ 10”-аас хасагдаж, түүний оронд нутаг нэгт Жон Иснэр нэг байр урагшилжээ. Харин бүсгүйчүүдийн чансаанд олон өөрчлөлт гарлаа. Францын нээлттэй тэмцээнд аваргалж, бүх “Их дуулга”-д түрүүлсэн 10 дахь эмэгтэй болсон ОХУ-ын Мария Шарапова 2000 оноо авснаар 9400 оноотой болж, хоёр дахиа дэлхийн тэргүүн теннисчин боллоо. Тэрбээр 2005 онд дэлхийн чансааг тэргүүлж байсан бөгөөд долоо жилийн дараа дахин “Number One” болов. Мөн “Ролан Гаррос”-т цахиур хагалж үзүүрлэсэн Италийн Сара Эррани үсрэлт хийв. Тэрбээр тэмцээний өмнө дэлхийн чансааны 24 дугаарт эрэмбэлэгдэж байсан. Парист гайхалтай тоглосныхоо ачаар “ТОП -10”-т орж ирлээ. Өнгөрсөн жилийн Францын нээлттэй тэмцээний аварга БНХАУ-ын Ли На долдугаар байрт явж байсан ч шинэчилсэн чансаанд дөрөв байр ухарч, 11 рүү шидэгджээ.

ЭРЭГТЭЙ:

1. (1) Новак Жокович (Серб) 12 280
2. (2) Рафаэль Надаль (Испаний) 10 060 
3. (3) Рожер Федерер (Швейцарь) 9 310
4. (4) Энди Муррей (Их Британи) 6980
5. (5) Жо Уильфред Цонга (Франц) 5230
6. (6) Давид Феррер (Испани) 5180
7. (7) Давид Феррер (Испани) 5180
8. (8) Янко Типсаревич (Серб) 3200
9. (9) Хуан Мартин Дель Дотро (Аргентин) 3180
10. (11) Жон Иснер (АНУ)

ЭМЭГТЭЙ:

1. (2) Мариа Шарапова (ОХУ) 9 490
2. (1) Викториа Азаренко (Беларусь) 8 800
3. (3) Агнешка Радванска (Чех) 6 895
4. (4) Петра Квитова (Чех) 6895
5. (6) Саманта Стосур (Австрали) 6180
6. (5) Серена Уильямс (АНУ) 5700
7. (9) Каролина Возняцки (Дани) 4366
8. (8) Марион Бартоли (Франц) 4070
9. (10) Ангелика Кербер (Герман) 4055
10. (24) Сара Эррани (Итали) 3359

(Хаалтанд өмнөх чансааг бичив)